Monday, December 3, 2012
Saturday, December 1, 2012
محاولة لقراءة مسودة الدستور
طبعا موضوع الموسم هو الدستور و لجنه الدستور و الاستفتاء على الدستور...
اعترف اني ما حاولتش اقرا الدستور ولا اي مسودة من مسوداته ....كل المساخر بتاعه جماع الوداع و زواج الاطفال و الحواديت دي خلتني استنى للاخر علشان العك كان كتير قوي...و طبعا كل العك اللي حصل مع تكوين اللجنه و الاسامي اللي فيها و التشكيل اللي مافيهوش خبير دستوري واحد يوحد ربنا(و دي احد المعجزات بصراحه) بينما فيه اسامي زي ام ايمن و ياسر برهامي و الراجل النكرة اللي كان بيحرم تدريس الانجليزي..... مع انسحاب كل القوى المدنيه... واخيرا و ليس اخرا رفض الخبراء و الفقهاء الدستوريين المحترمين كلهم للدستور ده ...اسماء بحجم البرادعي و ابراهيم درويس و نور فرحات و حتى الاخواني الهوى طارق البشري خلاني اقول مالوش لازمة اصلا...من مبدأ "اسئلوا اهل الذكر"
بس من يومين احد اصدقائي اخواني الهوى(طبعا هو مش اخوانجي بس بيحترمهم) صدمني ببوست على الفيس بوك بيقول فيه ان الدستور رائع!!! و ده طبعا بناء على قراءته الشخصية المتأنية(مش لمجرد ان الجماعه موافقه عليه بالمرة) و انه "شايف" انه "رائع" بنص كلامه...مع طبعا حبه تلقيح كلام على العالم الوسخه اللي بتحارب اي حاجة لاسباب شخصية بعيده عن الواقع بالمرة.... على فكرة صديقي ده متعلم و على مستوى عالي من العلم و الثقافة و يشغل وظيفه مرموقه....بس هو "برؤيته الخاصه" شاف ان الدستور ده رائع...مع ان عمره ما درس قانون ولا دستور و لا اظن انه عمره قرا اي دستور اخر او اي مشروع دستور تاني في الدنيا.... بس زيه زي كل الموافقين على الدستور ده شايفين ان عندهم القدرة على تحمل مسؤلية بالقدر ده و يقدروا يتحملوا نتيجه اختيار يقف ضده كل خبراء الدستور اللي امضوا حياتهم في دراسه و تدريس علم انشاء الدساتير في ارقى جامعات العالم و اسهموا في انشاء دساتير دول كتير منها تركيا اللي الاسلاميين مطلعين عيننا بيها مع انها دولة علمانية و الله العظيم....لكن ده موضوع تاني
المهم انا دخلت في حوار طويل مع صديقي ده باحاول اخليه يرد عليا في سؤال واحد...."هل كون ان اللجنه دي مافيهاش خبير او فقيه دستوري واحد مش كفايه انك تحس انها معيوبه بالذات مع وجود كم كبير من الخبراء و الفقهاء الدستوريين في مصر؟؟؟ طبعا مافيش رد...لف و دور و اعمل من بنها بس ما فيش رد للسؤال ده....احسن رد رد بيه عليا كان نصه"حديدي... الدستور دا وقع علينا من السما... او لقيناه في الزبالة... وانا باقول انه دستور كويس.." بس كده خلاص.... هو شايف انه كويس يبقى ايه بقى المشكله!!!
المصيبة ان ده مش اسلوب تفكير صديقي ده و بس ده اسلوب تفكيرهم كلهم!!!!
المهم قررت اقرا المسودة النهائية و اشوف شكلها ايه و على ما وصلت للماده ٣٣ كنت طقيت...انا الجاهل اللي ما عنديش اي خبرة في الدساتير طلعتلي ١٠ حاجات غريبة جدا و لسه ما دخلتش في الغويط.... آدي اللي طلعته و انا بافرّ بس من غير تركيز
١ = المادة الرابعه اتكلمت على شيخ الازهر و قالت ان يتم اختياره من بين هيئه كبار العلماء.... بس ما حددتش مين اللي يختاره بالظبط؟؟؟
ماهو ممكن كده برضه الريس هو الي يختاره و هو لا يعزل....عملنا ايه بقى؟؟
٢ =المادة (6) والمواطنة التى تسوى بين "جميع المواطنين" فى الحقوق والواجبات العامة... هل ده معناه ان المواطن البهائي مثلا حينال حقيقه في حرية العباده و اداء الطقوس الدينيه ولا تبعا للماده التالته هو مش من المحدد لهم الحرية دي في الماده الثالثة؟؟
الى جانب انه حظر انشاء الاحزاب على اساس ديني او طائفي ينسف كل الاحزاب الدينيه و اولها الحرية و العداله....
٣ = تكرار ممل مالوش اي لازمة الماده التاسعه بتعيد جزء من الماده الثامنه!!!!!
٤ = ماده تانيه غريبة جدا و مش منطقية بالمرة...مادة (12)...ايه معنى تعمل على تعريب العلوم و المعارف دي مثلا؟؟؟ ليه مش تعمل على "تطوير العلوم و المعارف" مثلا؟؟؟ ايه معنى وضع التعريبفي الدستور من اساسه؟؟؟ يعني مثلا دراسه الطب بالانجليزي او الحقيق بالفرنساوي حيبقى غير دستوري؟؟؟ ايه معناها اساسا و تتحط في الدستور ليه؟؟؟
٥ = الماده ١٦....اللي وصفها الغرياني بانها "هدية الدستور للفلاحين و اهل البادية".... اول مرة في حياتي اشوف دستور "بيمسي على المواطنين" او يبنقط في فرحهم!!!!! ايه يا عم هو الفلاحين و اهل البادية مش مصريين و الريف و البادية قطعه من مصر يعني مشمولين معاهم و في خطة التنمية العامة للبلد ولا دول حنجيبلهم خبراء اجانب؟؟؟
٦ = المادة (26)...جاء في اخرها:"ولا يجوز تكليف أحد بأداء غير ذلك من الضرائب والرسوم إلا فى حدود القانون"
عارفين ده معناه ايه؟؟؟ لفظ في (حدود القانون) يعني ان اي وزير او مدير عام او مسؤول في موقعه شايف انه يضيف رسوم او يعمل ضرايب يقدر يشكل لجنه و يعمل الضرايب و الرسوم اللي عايزها طالما في "حدود القانون"....او ممكن يطلع قرار رئاسي بضرايب جديدة من غير حتى لجان ولا نيلة ماهو الحمد لله مرسي علني كده قالك انا استشير وقت ما اعوز استشير دي حاجة اختياريه
انما لو كان اللفظ "ولا يجوز تكليف أحد بأداء غير ذلك من الضرائب والرسوم (إلا بقانون)" كان حيبقى معناه ان علشان تفرض ضرائب او رسوم يجب اجتماع مجلس الشعب او المجلس النيابي و دراسه الرسوم او الضرائب الجديدة و اصدار قانون خاص و التصويت عليه...الفرق ده طبعا انا ما اخدتش بالي منه لوحدي انما عرفته من راجل خبير دستوري من اللي اللجنه كانت نظيفه منهم تماما.
٧ = ماده ٣٣ و ٣٤ معادين و مكررين برضه.... مش فاهم ايه كم الرغي و الاعادة دي بالظبط؟؟؟ يا راجل دانا كريت ٣٣ ماده طلعتلك فيهم ١٠ حاجات و انا مش قانوني ولا دستوري ولا اي حاجة... غير اللي سمعتها من الراجل اللي شغلته دستور و عمري طبعا ما كنت حاطلعا لوحدي... فين بقى الجمال و العظمه الللي بتتكلم عليهم دول؟؟
بصراحه ماليش نفس اكمل.... عموما هي بانت كده... الدستور ده حرام يضيع فيه وقت علشان قريبا جدا حيرجع الزباله اللي صديقي قال انه جاء منها....
ربنا يسهل
اعترف اني ما حاولتش اقرا الدستور ولا اي مسودة من مسوداته ....كل المساخر بتاعه جماع الوداع و زواج الاطفال و الحواديت دي خلتني استنى للاخر علشان العك كان كتير قوي...و طبعا كل العك اللي حصل مع تكوين اللجنه و الاسامي اللي فيها و التشكيل اللي مافيهوش خبير دستوري واحد يوحد ربنا(و دي احد المعجزات بصراحه) بينما فيه اسامي زي ام ايمن و ياسر برهامي و الراجل النكرة اللي كان بيحرم تدريس الانجليزي..... مع انسحاب كل القوى المدنيه... واخيرا و ليس اخرا رفض الخبراء و الفقهاء الدستوريين المحترمين كلهم للدستور ده ...اسماء بحجم البرادعي و ابراهيم درويس و نور فرحات و حتى الاخواني الهوى طارق البشري خلاني اقول مالوش لازمة اصلا...من مبدأ "اسئلوا اهل الذكر"
بس من يومين احد اصدقائي اخواني الهوى(طبعا هو مش اخوانجي بس بيحترمهم) صدمني ببوست على الفيس بوك بيقول فيه ان الدستور رائع!!! و ده طبعا بناء على قراءته الشخصية المتأنية(مش لمجرد ان الجماعه موافقه عليه بالمرة) و انه "شايف" انه "رائع" بنص كلامه...مع طبعا حبه تلقيح كلام على العالم الوسخه اللي بتحارب اي حاجة لاسباب شخصية بعيده عن الواقع بالمرة.... على فكرة صديقي ده متعلم و على مستوى عالي من العلم و الثقافة و يشغل وظيفه مرموقه....بس هو "برؤيته الخاصه" شاف ان الدستور ده رائع...مع ان عمره ما درس قانون ولا دستور و لا اظن انه عمره قرا اي دستور اخر او اي مشروع دستور تاني في الدنيا.... بس زيه زي كل الموافقين على الدستور ده شايفين ان عندهم القدرة على تحمل مسؤلية بالقدر ده و يقدروا يتحملوا نتيجه اختيار يقف ضده كل خبراء الدستور اللي امضوا حياتهم في دراسه و تدريس علم انشاء الدساتير في ارقى جامعات العالم و اسهموا في انشاء دساتير دول كتير منها تركيا اللي الاسلاميين مطلعين عيننا بيها مع انها دولة علمانية و الله العظيم....لكن ده موضوع تاني
المهم انا دخلت في حوار طويل مع صديقي ده باحاول اخليه يرد عليا في سؤال واحد...."هل كون ان اللجنه دي مافيهاش خبير او فقيه دستوري واحد مش كفايه انك تحس انها معيوبه بالذات مع وجود كم كبير من الخبراء و الفقهاء الدستوريين في مصر؟؟؟ طبعا مافيش رد...لف و دور و اعمل من بنها بس ما فيش رد للسؤال ده....احسن رد رد بيه عليا كان نصه"حديدي... الدستور دا وقع علينا من السما... او لقيناه في الزبالة... وانا باقول انه دستور كويس.." بس كده خلاص.... هو شايف انه كويس يبقى ايه بقى المشكله!!!
المصيبة ان ده مش اسلوب تفكير صديقي ده و بس ده اسلوب تفكيرهم كلهم!!!!
المهم قررت اقرا المسودة النهائية و اشوف شكلها ايه و على ما وصلت للماده ٣٣ كنت طقيت...انا الجاهل اللي ما عنديش اي خبرة في الدساتير طلعتلي ١٠ حاجات غريبة جدا و لسه ما دخلتش في الغويط.... آدي اللي طلعته و انا بافرّ بس من غير تركيز
١ = المادة الرابعه اتكلمت على شيخ الازهر و قالت ان يتم اختياره من بين هيئه كبار العلماء.... بس ما حددتش مين اللي يختاره بالظبط؟؟؟
ماهو ممكن كده برضه الريس هو الي يختاره و هو لا يعزل....عملنا ايه بقى؟؟
٢ =المادة (6) والمواطنة التى تسوى بين "جميع المواطنين" فى الحقوق والواجبات العامة... هل ده معناه ان المواطن البهائي مثلا حينال حقيقه في حرية العباده و اداء الطقوس الدينيه ولا تبعا للماده التالته هو مش من المحدد لهم الحرية دي في الماده الثالثة؟؟
الى جانب انه حظر انشاء الاحزاب على اساس ديني او طائفي ينسف كل الاحزاب الدينيه و اولها الحرية و العداله....
٣ = تكرار ممل مالوش اي لازمة الماده التاسعه بتعيد جزء من الماده الثامنه!!!!!
٤ = ماده تانيه غريبة جدا و مش منطقية بالمرة...مادة (12)...ايه معنى تعمل على تعريب العلوم و المعارف دي مثلا؟؟؟ ليه مش تعمل على "تطوير العلوم و المعارف" مثلا؟؟؟ ايه معنى وضع التعريبفي الدستور من اساسه؟؟؟ يعني مثلا دراسه الطب بالانجليزي او الحقيق بالفرنساوي حيبقى غير دستوري؟؟؟ ايه معناها اساسا و تتحط في الدستور ليه؟؟؟
٥ = الماده ١٦....اللي وصفها الغرياني بانها "هدية الدستور للفلاحين و اهل البادية".... اول مرة في حياتي اشوف دستور "بيمسي على المواطنين" او يبنقط في فرحهم!!!!! ايه يا عم هو الفلاحين و اهل البادية مش مصريين و الريف و البادية قطعه من مصر يعني مشمولين معاهم و في خطة التنمية العامة للبلد ولا دول حنجيبلهم خبراء اجانب؟؟؟
٦ = المادة (26)...جاء في اخرها:"ولا يجوز تكليف أحد بأداء غير ذلك من الضرائب والرسوم إلا فى حدود القانون"
عارفين ده معناه ايه؟؟؟ لفظ في (حدود القانون) يعني ان اي وزير او مدير عام او مسؤول في موقعه شايف انه يضيف رسوم او يعمل ضرايب يقدر يشكل لجنه و يعمل الضرايب و الرسوم اللي عايزها طالما في "حدود القانون"....او ممكن يطلع قرار رئاسي بضرايب جديدة من غير حتى لجان ولا نيلة ماهو الحمد لله مرسي علني كده قالك انا استشير وقت ما اعوز استشير دي حاجة اختياريه
انما لو كان اللفظ "ولا يجوز تكليف أحد بأداء غير ذلك من الضرائب والرسوم (إلا بقانون)" كان حيبقى معناه ان علشان تفرض ضرائب او رسوم يجب اجتماع مجلس الشعب او المجلس النيابي و دراسه الرسوم او الضرائب الجديدة و اصدار قانون خاص و التصويت عليه...الفرق ده طبعا انا ما اخدتش بالي منه لوحدي انما عرفته من راجل خبير دستوري من اللي اللجنه كانت نظيفه منهم تماما.
٧ = ماده ٣٣ و ٣٤ معادين و مكررين برضه.... مش فاهم ايه كم الرغي و الاعادة دي بالظبط؟؟؟ يا راجل دانا كريت ٣٣ ماده طلعتلك فيهم ١٠ حاجات و انا مش قانوني ولا دستوري ولا اي حاجة... غير اللي سمعتها من الراجل اللي شغلته دستور و عمري طبعا ما كنت حاطلعا لوحدي... فين بقى الجمال و العظمه الللي بتتكلم عليهم دول؟؟
بصراحه ماليش نفس اكمل.... عموما هي بانت كده... الدستور ده حرام يضيع فيه وقت علشان قريبا جدا حيرجع الزباله اللي صديقي قال انه جاء منها....
ربنا يسهل
Wednesday, November 28, 2012
Tuesday, November 27, 2012
خرافات و اصنام تحطمت اليوم
النهارده ٢٧ نوفمبر ٢٠١٢ يوم حقيقي تاريخي....
اصنام كتير اتحطمت...و خرافات كتير كان الشعب المصري عايش على انها حقائق لا جدال فيها اتكشف زيفها
اولا خرافة ان الاخوان هم الفصيل الوحيد القادر على الحشد و تعبئة الميادين... بعيدا عن اسلوب الاخوان المعروف في الحشد...الا و هو حشر الخرفان في اوتوبيسات من الاقاليم و شحنهم زي الدواب من كل حته فيكون المنظر انهم اعداد مهولة... مع العلم ان الاعداد دي جاية من مصر كلها و ساعة ما بتكون محشودة في الميدان بتكون البلد كلها فضيت منهم.... بينما اسلوب الحشد في المعسكر الآخر هو حشد كل مجموعه في مكانها...القاهريين في القاهره و كل اولاد محافظة في محافظاتهم
بس النهارده الحشد كان غير عادي و الميدان كان مزحوم زحمه خرافية و الاعداد كانت حقيقي مهولة من غير اخوان ولا خرفان ولا اي طايفة من البهايم
ثانيا... خرافة ان ابناء القوى المدنيه في مصر ما يعرفوش يتوحدوا.... اي حد نزل الميدان النهارده و شاف منظره و شاف الليبراليين و اليساريين و الناصريين و غيرهم...كلهم بيتكلموا مع بعض و بيتناقشوا في اتجاه واحد.... حتى حزب الكنبه العقيم جاب كنبته و نزل بيها الميدان... طبعا الفلول يمتنعون...و قصدي هنا بالفلول المناظر الوسخه من امثال عكشة و سبايدر و ابو حامض و غيرهم اللي الاخوان قلبوا الدنيا على انهم المنظمين للحشد بتاع النهارده و ان الليبراليين اتحدوا معاهم ضد الاخوان... بس طبعا اي حد نزل الميدان عارف ان الكلام ده تخريف و ماحصلش و ان لو اي حد من المناظر الوسخه دي حاول يعتب الميدان كان حيتعمل فيه اللي اتعمل في يسرا و ليلى علوي و جايز اكتر شوية...
طبعا غير الاسطورة اللي الاخوان كانوا بيحلموا بيها و هي انهم حيستتب لهم حكم مصر.... دي كده في الباي باي خالص
انا سعيد جدا باللي حصل النهارده... و ربنا يكملها على خير
هو بس ابن الكلب اللي نتش الكاميرا هو اللي نكد عليا
اصنام كتير اتحطمت...و خرافات كتير كان الشعب المصري عايش على انها حقائق لا جدال فيها اتكشف زيفها
اولا خرافة ان الاخوان هم الفصيل الوحيد القادر على الحشد و تعبئة الميادين... بعيدا عن اسلوب الاخوان المعروف في الحشد...الا و هو حشر الخرفان في اوتوبيسات من الاقاليم و شحنهم زي الدواب من كل حته فيكون المنظر انهم اعداد مهولة... مع العلم ان الاعداد دي جاية من مصر كلها و ساعة ما بتكون محشودة في الميدان بتكون البلد كلها فضيت منهم.... بينما اسلوب الحشد في المعسكر الآخر هو حشد كل مجموعه في مكانها...القاهريين في القاهره و كل اولاد محافظة في محافظاتهم
بس النهارده الحشد كان غير عادي و الميدان كان مزحوم زحمه خرافية و الاعداد كانت حقيقي مهولة من غير اخوان ولا خرفان ولا اي طايفة من البهايم
ثانيا... خرافة ان ابناء القوى المدنيه في مصر ما يعرفوش يتوحدوا.... اي حد نزل الميدان النهارده و شاف منظره و شاف الليبراليين و اليساريين و الناصريين و غيرهم...كلهم بيتكلموا مع بعض و بيتناقشوا في اتجاه واحد.... حتى حزب الكنبه العقيم جاب كنبته و نزل بيها الميدان... طبعا الفلول يمتنعون...و قصدي هنا بالفلول المناظر الوسخه من امثال عكشة و سبايدر و ابو حامض و غيرهم اللي الاخوان قلبوا الدنيا على انهم المنظمين للحشد بتاع النهارده و ان الليبراليين اتحدوا معاهم ضد الاخوان... بس طبعا اي حد نزل الميدان عارف ان الكلام ده تخريف و ماحصلش و ان لو اي حد من المناظر الوسخه دي حاول يعتب الميدان كان حيتعمل فيه اللي اتعمل في يسرا و ليلى علوي و جايز اكتر شوية...
طبعا غير الاسطورة اللي الاخوان كانوا بيحلموا بيها و هي انهم حيستتب لهم حكم مصر.... دي كده في الباي باي خالص
انا سعيد جدا باللي حصل النهارده... و ربنا يكملها على خير
هو بس ابن الكلب اللي نتش الكاميرا هو اللي نكد عليا
Monday, November 26, 2012
سالخير
سالخير يا اصدقائي... بقالي فترة كتير من اصدقائي عمالين يدخلوا في دماغى حكاية اني اعمل بلوج أسجل فيه خواطري و اكتب فيه مقالاتي .... طبعا كان نفسي اعمل فيها متواضع و اقول اني سعيد جدا بالكلام ده و اني مش شايف ان كلامي بالاهمية دي بس بصراحه مش عايز))) انا فعلا سعيد جدا بان فيه ناس بتتابع كلامي و عايزاني اجمعه.... اشكرهم جدا و ااقولهم اخجلتم غرورنا و مش حاحرمكم من الدرر بتاعتي)))
اتمنى ان البلوج ده يكون حقيقي ليه لازمة و يعجبكم و يكون فيه مواضيع كتير تفيدنا و مناقشات تفرق معانا
و اهلا بالجميع
طبعا مبدئيا انا ثورجي ليبرالي مدني برادعاوي و اي حد ناوي يتكلم على الحاجات دي يلزم ادبه علشان ما يتسفّخش و يتمسح بيه الارض قبل ما يتطرد شر طرده
و السلام
اتمنى ان البلوج ده يكون حقيقي ليه لازمة و يعجبكم و يكون فيه مواضيع كتير تفيدنا و مناقشات تفرق معانا
و اهلا بالجميع
طبعا مبدئيا انا ثورجي ليبرالي مدني برادعاوي و اي حد ناوي يتكلم على الحاجات دي يلزم ادبه علشان ما يتسفّخش و يتمسح بيه الارض قبل ما يتطرد شر طرده
و السلام
Subscribe to:
Posts (Atom)